منتديات ملاذ الروح


 
الرئيسيةالتسجيلدخول

شاطر | 
 

 الحب مثل النوم..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
noony

avatar

عدد المساهمات : 78
تاريخ التسجيل : 20/12/2009

مُساهمةموضوع: الحب مثل النوم..   الإثنين يناير 18, 2010 4:11 pm

إحدى روائع المبدع محمد بن فطيس المري

الحب مثل النوم .. والوصل الأحلام
والشيين من الأحلام..صد المحبيين

نوم ٍ طويل ٍ عمره شهووور وأعواام
وإن قمت..ففهمها فرااق وسهر عين

وأنا رقدت وعمري أربع عشر عام
وصحيت في شهر أربعه عام الألفين

نوم ٍ ثقيل ٍ كله أحلام و أوهاام
ونصيبي من أحلامه الجانب الشين

صحّى الفرااق قلوب في عكسه.نيام
وغاب الفرح وأنا بعكسه إلى ألحين

ياحزن كبدي حزن من ضاق ثم حام
أخذت فروخه مادرى ليه ولوين؟

بعد ما شاف العش عيدان وعظام
خاالي..تفكر فووق و يساار..و يمين

خلا عشاها فيه ومن الوطى شاام
زبن على روحه وفل الجناحين

وياوجد حالي وجد من نام ثم قام
على صياح أمه وهو دون رجلين

عويق وأمه تنعته والنعت سام
وهو خابر أنه يقسم الصف صفين

حبى وصاح بصيحة ٍ تاصل الشام
منها تقطّع في خفوقه شرايين

على وليف ٍ قسم ظنوني أقسام
وأقفى وأنا ما أعرف طرد المقفين

راح وترك في صدري ووسووم وأعلام
وصّى علي طيفه وقفّى بقلبين

ليته تعذّر كان ماهو بملاّم
بعد ماشااف الدرب بيصير دربين

أشوى عليه شوي من عض الأبهام
وأشوى علي شوي من دمعة البين

تمشي بنا الأقدام والموت قدام
وميعادنا يمفرق اثنين بعدين

ياعين لا تبكين وعيونه تنام
عادش إلى ما خاب ظني بترضين

لو الدموع تفيد فادن الأيتام
ولو الكلام يفيد عادت فلسطين

ولو النباات يطّلعه دمعة هيام؟شفتوا على وجهي ورود وبساتين

الحب سجن..وبعد الأحباب إعدام
وقلوبنا السجّان مدري مساجين

الحب نوم ٍ عمره شهوور وأعوام
وإن قمت ففهمها فرااق وسهر عين

وأنا تراااي انعست من مدة أياام
لحدن يصحيني يالأقداار ..تكفيين

وســــــلامتكم
الرجوع الى أعلى الصفحة اذهب الى الأسفل
°¨¨™¤¦ملاذ الروح¦¤™¨¨°

avatar

عدد المساهمات : 75
تاريخ التسجيل : 13/12/2009

مُساهمةموضوع: رد: الحب مثل النوم..   السبت فبراير 13, 2010 9:06 pm

الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن

.

الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن
.

صح لسانك اختي

مشكوره يالغاليه ماقصرتي
الرجوع الى أعلى الصفحة اذهب الى الأسفل
http://mlaath.ahlamontada.com
 
الحب مثل النوم..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ملاذ الروح :: (¯`·._.·( ملتقى ملاذ الروح الأدبي)·._.·°¯) :: شعروشعراء-
انتقل الى: